राष्ट्रपति भण्डारीसँग चीनका विदेशमन्त्रीद्वारा शिष्टाचार भेट, ओली र दाहाललाई भेट्दै

चैत १३, काठमाडौं । राष्ट्रपति विद्यादेवी भण्डारीसँग नेपाल भ्रमणमा रहेका चीनका विदेशमन्त्री वाङ यीले शिष्टाचार भेट गरेका छन् ।

तीनदिने नेपाल भ्रमणका क्रममा आइबार राष्ट्रपति भवन शितलनिवासमा उनले सो भेट गरेका हुन् । परराष्ट्रमन्त्री डा. नारायण खड्काको निमन्त्रणामा उनी तीन दिने नेपाल भ्रमणमा शुक्रबार काठमाडौं आएका थिए ।

यसपछि उनले नेकपा एमालेको अध्यक्ष केपी शर्मा ओली र नेकपा माओबादी केन्द्रका अध्यक्ष पुष्पकमल दाहाल‘प्रचण्डसँग भेटवार्ता गर्ने छन् । वाङ आजै चीन फर्कने कार्यक्रम छ ।