सोमबारसम्म कायम लगानीकर्ताले साल्ट ट्रेडिङ कर्पोरेशनको लाभांश पाउने

१३ चैत, काठमाडौं । साल्ट ट्रेडिङ कर्पोरेशन लिमिटेडको लाभांश पाउन सोमबारसम्म कम्पनीको शेयर खरिद गर्नुपर्ने हुन्छ । सोमबार अर्थात चैत १४ गते कम्पनीले साधारण सभा र लाभांश प्रयोजनको लागि बुक क्लोज गदैछ । यद्दपी चैत १४ गते सोमबारसम्म कायम लगानीकर्ताले कम्पनीको लाभांश हात पार्नेछन् ।

कम्पनीले साधारण सभा र लाभांश वितरण प्रयोजनको लागि चैत १५ गतेदेखि ३० गतेसम्म बुक क्लोज गरेकाले चैत १४ गते सोमवारसम्म कायम शेयरधनीले साधारण सभामा भाग लिन र लाभांश पाउनेछन् ।

कम्पनीले आव २०७७/७८को मुनाफाबाट शेयरधनीलाई १० प्रतिशत बोनस शेयर र शून्य दशलमव ५२ प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारितका लागि कम्पनीले चैत ३० गते साधारण सभा बोलाएको छ । सभा सोल्टी होटल ताहाचल काठमाडौंमा दिनको ११ बजे गर्ने जानकारी दिएको छ ।