नेप्सेमा दुई कम्पनीको ५९ लाख कित्ता बोनस शेयर सूचीकृत

१३ चैत, काठमाडौं । नेपाल स्टक एक्सचेञ्ज (नेप्से) मा दुई कम्पनीको बोनस शेयर सूचीकृत भएको छ । आइतबार सबैको लघुवित्त र एशियन लाइफ इन्स्योरेन्सको बोनस शेयर नेप्सेमा सूचीकृत भएको हो ।

सबैको लघुवित्तको ६ लाख ३९ हजार कित्ता बोनस शेयर नेप्सेमा सूचीकृत भएको छ । फाइनान्सले गत आर्थिक वर्षको मुनाफाबाट शेयरधनीलाई ३१ दशमलव ०५ प्रतिशत बोनस शेयर वितरण गरेको थियो ।

यस्तै एशियन लाइफ इन्स्योरेन्सको ५२ लाख ९० हजार कित्ता बोनस शेयर सूचीकृत भएको छ । कम्पनीले गत आर्थिक वर्षको मुनाफाबाट शेयरधनीलाई २५ प्रतिशत बोनस शेयर वितरण गरेको थियो ।

नेप्सेमा सूचीृकत बोनस शेयर, शेयरधनीको डिम्याट खातामा आएपछि दोस्रो बजारमा किनबेच गर्न सकिनेछ ।