गठबन्धन बचाउन आवश्यक छ, केन्द्रीय समितिले नीतिगत निर्णय गर्नुपर्छ: वरिष्ठ नेता पौडेल

१३ चैत, काठमाडौं । नेपाली कांग्रेसका वरिष्ठ नेता रामचन्द्र पौडेलले आगामी स्थानीय निर्वाचनमा चुनावी तालमेल गरेर गठबन्धनलाइ बचाउनुपर्ने बताएका छनत् । उनले गठबन्धन तालमेल मिलाएर गर्नुपर्ने बताए ।

पार्टी कार्यलय सानेपामा पत्रकारहरुसँग कुरागर्दै पौडेलले चुनावमा गठबन्धन गर्ने कि नगर्ने भन्नेबारे केन्द्रीय समितिले नीतिगत निर्णय गर्ने पनि बताए । उनले चुनावी तालमेल गरेर गठबन्धन बचाएर लैजानु पर्ने अहिले आवश्यकता भएको बताए ।

उनले गठबन्धनबारे केन्द्रीय समितिले नीतिगत निर्णय लिने र कुन स्थानीय तह कसले लिने भन्ने निर्णय पछि गरिने बताए । धेरै केन्द्रीय सदस्यहरुको धारणा तालमेलको पक्षमा आएको आएको बताउँदै कहाँ कहाँ लिने, कहाँ कहाँ छाड्ने भन्ने कुराको सल्लाह पछि हुने बताए ।

सानेपामा कांग्रेस केन्द्रीय कार्यसमितिको बैठक चलिरहेको छ । अहिले केन्द्रीय सदस्यहरूले बोल्ने क्रम चलिरहेको छ । यसैबीच नेता पौडेल बैठकस्थलबाट बाहिरिएका छन् ।