नेष्डो समृद्ध लघुवित्तको आइपीओ सूचीकृत, ओपनिङ रेन्ज कति ?

१३ चैत, काठमाडौं । नेष्डो समृद्ध लघुवित्तको आईपीओ नेप्सेमा सूचीकृत भएको छ । अब भोलि चैत १४ गते सोमबारबाट नेप्सेमा कारोबार सुरु हुनेछ । नेप्सेले यसको ओपनिङ रेन्ज पनि तोकेको छ ।

जसअनुसार पहिलो कारोबार न्यूनतम २६० रुपैयाँ ८४ पैसादेखि अधिकतम ७८२ रुपैयाँ ५२ पैसाभित्र रहेर हुनेछ । एनइएसडीओ संकेतमा यसको कारोबार खुला हुनेछ । नेष्डोको चुक्ता पुँजीका आधारमा कायम कुल २५ लाख ५० हजार कित्ता सेयर सूचीकरण गरिएको हो ।

नेष्डोले फागुन ११ गतेबाट १५ गतेसम्म प्रतिकित्ता १०० रुपैयाँ अंकित मूल्यमा ८ लाख २८ हजार ७५० कित्ता आइपीओ जारी गरेको थियो ।

यसमध्ये ४१ हजार ४३७ कित्ता शेयर आर्थात् ५ प्रतिशत शेयर सामूहिक लगानी कोष र १२ हजार ७५० कित्ता अर्थात् ०.५ प्रतिशत कर्मचारीहरुका लागि छुट्याइएको थियो । सर्वसाधारणले बाँकी ७ लाख ७४ हजार ५६३ कित्ताका लागि आवेदन दिएका हुन् ।