हरियो रुख ढपक्क पार्ने निर्वाचन आयोगको निर्णय आपत्तिजनक छ, यस्तो बलमिच्याई किन ?: ओली

१३  चैत,  काठमाडौं ।  नेकपा एमालेका अध्यक्ष केपी शर्मा ओलीले मतपत्रको रङ बदल्ने निर्वाचन आयोगको निर्णयप्रति असन्तुष्टि जनाएका छन् । उनले आयोगको यस्तो बलमिच्याई खेदपूर्ण रहेको बताए ।

आइतबार एमाले स्थायी कमिटी बैठलाई सम्बोधन गर्दै ओलीले मतपत्रको रङ बदल्ने निर्णयप्रति आपत्ति जनाउँदा जनाउँदै पनि बलमिच्याइ गरेको आरोप लगाए ।

उनले मत पत्रको रङ बदल्नै पर्ने कारण केहि नभएको बताए । निर्वाचन आयोगले यस्ता क्रियाकलप गर्न नमिल्ने भन्दै एमालेले आपत्ति जनाउँदा जनाउँदै बलमिच्याइ गरेको ओलीको भनाई छ ।

ओलीले सत्ता गठबन्धनको समझदारीमै आयोगले सबै गरिरहेको समेत अरोप लगाए । आयोगले दलहरुसँग परामर्श नगरि एउटा दल विशेषलाई फाइँदा पुग्ने गरि रङ निर्धारण गरेको आरोप लगाउँदै ओलीले यसको प्रतिवाद गर्न समेत नेताहरुलाई निर्देशन दिए ।

निर्वाचन आयोगको भूमिका तथस्ट हुनुपर्ने र सबैले विश्वास गर्ने खालको हुनुपर्ने उनको भनाइ छ । निर्वाचन आयोग अटेरी गरेर अगाडि बढीरहेको भन्दै ओलीले यो चिन्ताको विषय रहेको समेत बताए ।