पाँच वर्षमा ३६ लाख बढे, कुल मतदातामध्ये ८९ लाख ९२ हजार पुरुष र ८७ लाख ४१ हजार महिला

१३ चैत, काठमाडौं ।  आगामी स्थानी तहको निर्वाचनमा १ करोड ७७ लाखभन्दा बढी मतदाता हुने निर्वाचन आयोगले जनाएको छ । आयोगले तयार पारेको मतदाता नामावलीमा १ करोड ७७ लाख ३३ हजार ७ सय २३ मतदाता रहेका छन् ।
गएको पाँच वर्षको अवधिमा ३६ लाख मतदाता थपिएका छन् । मोरङ सबै भन्दा बढी मतदाता भएको जिल्लामा परेको छ । मोरङमा मात्रै ७ लाख १५ हजार २ सय २३ जना मतदाता रहेका छन् ।

कुल मतदाता मध्ये ८९ लाख ९२ हजार १० पुरुष, ८७ लाख ४१ हजार ५३० महिला, र १८३ अन्य छन् । सबै भन्दा कम मतदाता हुने जिल्ला मनाङ परेको छ । जहाँ ६ हजार ४ सय ९६ मतदाता रहेका छन् । ।
आयोगका अनुसार २०७४ सालमा भएको स्थानीय तहको निर्वाचनमा एक करोड ४० लाख ७४ हजार चार सय २४ मतदाता थिए । यो पटक ३६ लाख ५९ हजार दुई सय ९९ सय बढेर १ करोड ७७ लाख पुगेको हो ।

२०७४ सालकै प्रतिनिधिसभा र प्रदेशसभा निर्वाचनमा मतदाता संख्या एक करोड ५४ लाख थियो । प्रदेश र प्रतिनिधिसभाको निर्वाचन २०७४ को मंसिर १० गते र २१ गते भएको थियो ।