जीवन विकास लघुवित्तको सर्वाधिक शेयर खरीदविक्री, शेयरमूल्य उच्चदरले वृद्धि

१४ चैत, काठमाडौं । साताको दोस्रो कारोबार दिन सोमबार जीवन विकास लघुवित्तको सर्वाधिक शेयर खरीदविक्री भएको छ ।

यस दिन करिब १२ बजेको अवधिमा कम्पनीको सर्वाधिक शेयर खरिद बिक्री भएको छ । यस अवधिसम्ममा कारोबारमा आएका २०५ कम्पनीमध्ये उक्त कम्पनीको १३ करोड ४६ लाख बराबरको शेयर खरीदविक्री भएको हो ।

कम्पनीले घोषणा गरेको कुल ७३.६८ प्रतिशत लाभांश वितरणको लागि चैत १२ गते बुक क्लोज गरेको हो । बुक क्लोज पश्चात नेप्सेले कम्पनीको शेयरमूल्य समायोजन गरेको गर्यो । नेप्सेले कम्पनीको मूल्य समायोजनपछि ३ हजार प्रतिकित्ता शेयरमूल्य गरेको छ । मूल्य समायोजनपछि कम्पनीको शेयरमा खरिदबिक्री धेरै देखिएको छ ।

यो समाचार तयार पार्दासम्म नेप्से परिसूचक ९ दशमलव ८३ अंक घटेर २ हजार ५६२ विन्दुमा रहेको छ । त्यसैगरी उक्त अवधिसम्ममा कुल ६७ करोड बराबरको शेयर खरीदविक्री भएको छ।