कामना सेवाको नयाँ शाखा विस्तार, विस्तारित १३४ औ शाखा धनगढीमा

१४ चैत, काठमाडौं । कामना सेवा विकास बैंक लिमिटेडले नयाँ शाखा विस्तार गरेको छ । बैंकले नयाँ शाखा कैलाली जिल्लाको धनगढी उप–महानगरपालिका, वडा नं. ०७ मोतीचोकमा विस्तार गरेको हो । विस्तारित नयाँ शाखासँगै बैंकको १३४ शाखा कार्यालय पुगेका छन् ।

बैंकले व्यवसाय विस्तारको क्रममा नवीनतम प्रोडक्टहरु तथा वृहत शाखा सञ्जाल मार्फत आफ्ना ग्राहकहरुलाई उच्च स्तरको बैंकिङ्ग सेवा सुविधाहरु उपलब्ध गराउँदै आएको छ । बैंकिङ पहुंच नपुगेका ग्रामीण क्षेत्र तथा व्यवसायको सम्भावना रहेका अन्य शहरी क्षेत्रहरुमा समेत शाखा विस्तार गर्दै जाने बैंकको लक्ष रहेको बैंकका प्रमुख कार्यकारी अधिकृत प्रविण बस्नेतले बताए ।

Social Media Banking, Internet Banking, Moblie Banking, जस्ता विभिन्न SMS Bankingमाध्यमहरुबाट समेत ग्राहक महानुभावहरुलाई सहज र उत्कृष्ट सेवा प्रदान गर्दै आएको बैंकका यस संगै १३३ वटा शाखा, १ वटा विस्तारित काउन्टर, ५ वटा शाखारहित बैंकिङ सेवा तथा ७७ वटा ATM मार्फत ग्राहक महानुभावहरुलाई सेवा प्रदान गर्दै आएको छ ।