विवेकशील साझाका अध्यक्ष मिश्रलाई कारबाही गर्ने असन्तुष्ट पक्षको तयारी

१४ चैत, काठमाडौं ।  विवेकशील साझा पार्टीको विवाद चुलिँदै गएपछि असन्तुष्ट पक्ष उग्र बनेको छ । अध्यक्ष रवीन्द्र मिश्रले २६ जनामाथि एकैपटक कारबाही गरेपछि पार्टीमा विवाद चुलिएको छ । असन्तुष्ट पक्षले मिश्रलाई नै कारबाही गर्ने गरी तयारी थालेको जनाएको छ ।

ललितपुरको बखुण्डोलमा रहेको विवेकशील शाझाको कार्यलयमा सोबार विहानै देखि भिडभाड बढेको छ । पार्टी कार्यालयमा मिलन पाण्डे नेतृत्वको असन्तुष्ट समूहले कारबाहीमा परेका २६ जनासहित ७५ जना नेताहरू भेला भएका छन् ।

असन्तुष्ट समूहले अग्रज नेता तथा जेष्ठ सदस्य भीमप्रसाद अधिकारीको अध्यक्षमातामा अहिले बैठक गरिहेका छन् । आइतबारको केन्द्रीय समिति बैठकमा २६ जनामाथिको कारबाही सदर भएपछि मिश्रले एकलौटी निर्णय गरेको भन्दै असन्तुष्ट समूहले मिश्रमाथि नै कारबाहीको माग गर्न थालेका हुन् ।

आइतबारको बैठकमा मिश्रका पछिल्ला गतिविधिमाथि कडा आलोचना भएको थियो । राप्रपासँग पार्टी एकीकरण गर्ने तथा कारबाहीको विषयमाथि प्रश्न उठेपछि मिश्रले ती विषयबारे बैठकको एजेन्डा नभएको बताएका थिए ।

सोमबार भने मिश्र पक्षकै नेताहरू पनि पर्याप्त कोरम पु¥याएर मिश्रमाथि कारबाही गर्ने पहलमा जुटेका छन् । मिश्र राजतन्त्रसँग नजिकिएको र आफूखुसी निर्णय गर्न थालेको भन्दै उनी निकट नेताहरू भेला भएका हुन् । केही नेताहरूले भने मिश्रलाई कारबाही गर्नमिल्ने कानुनी प्रावधानबारे बुझिरहेको नेता श्रेष्ठले बताए ।