राष्ट्रपति सहभागी न्यायिक सम्मेलन कांग्रेसद्वारा बहिष्कार

१४ चैत, पोखरा । नेपाली कांग्रेसबाट निर्वाचित पोखरा महानगरपालिकाका जनप्रतिनिधिले न्यायिक समितिको राष्ट्रिय सम्मेलन बहिष्कार गरेका छन् । एकलौटी ढङ्गले कार्यक्रम गरेको र चुनावी फण्डा बनाएको भन्दै सोमबार पोखरामा सुरु भएको राष्ट्रपति विद्यादेवी भण्डारी सहभागी राष्ट्रिय सम्मेलन कांग्रेसले बहिष्कार गरेको हो ।

महानगर कांग्रेस संसदीय दलका सचेतक रामराज लामिछानेले आफूहरूसँग सल्लाह नगरी कार्यक्रम तालिका तय गरेकोलगायत कारणले बहिष्कार गरेको बताए । ‘कार्यक्रमको सेड्युल एकपक्षीय भयो । पहिल्यै गर्नुपर्ने सम्मेलन चुनावको मुखमा गरिँदै छ,’ उनले भने ।

राष्ट्रपति भण्डारीले उद्घाटन गरेको सम्मेलनमा देशभरका न्यायिक समितिका दुई सय जनाभन्दा बढी प्रतिनिधि सहभागी छन् । तर, कांग्रेसले भने बहिष्कार गर्दै विरोध गरेको छ ।