कोइराला समूहलाई बेवास्ता गरिए देशभर खबदारी अभियान चलाउँछौँः रञ्जित कर्ण

१४ चैत, काठमाडौं ।  नेपाली कांग्रेसका युवा नेता रञ्जित कर्णले पार्टीभित्र भइरहेको एकाधिकारवादी चरित्रको अन्य हुनुपर्ने भन्दै अहिले कांग्रेसभित्रका एकलौटी निर्णयको कडा आलोचना गरेका छन् ।

उनले कोइराला समूहले पार्टीभित्र भागभण्डा नखोजेको तर पार्टीका हरेक निर्णयमा कोइराला समूहको सम्मानजनक र सहअस्तित्वका साथ सहभागीता हुनुपर्ने बताएका छन् ।

सोमबार कोइराला समूहले काठमाडौंमा आयोजना गरेको खबरदारी भेलामा बोल्दै कर्णले खबरदारी भेला आयोजना गरिए पनि सभापति देउवालाई सच्चिने समय दिएर अहिलेलाई केहिदिन पर्खने बतामए ।

कांग्रेसको १४ औँ महाधिवेशनबाट नेपाली काँग्रेसको सभापतिमा निर्वाचित भइसकेपछि देउवाले कोइरालालाई पुर्ण बेवास्था गर्दै अगाडि बढ्न खोजेको उनको भनाई छ ।

उनले हिजो आफु नेविसंघको सभापति हुँदा तदर्थ समिति निर्माण गर्दा वर्तमान सभापति शेरवहादुर देउवा पक्षधरका साथिहरुको सम्मानजनक उपस्थिति भएन भन्दै संघर्ष गर्दा सुशील कोइरालाले संख्या थपेको उदाहरण दिए ।

कर्णले आज शेरवहादुर देउवालाई हामीले अन्याय भयो भनेर खबरदारि गर्नु काँग्रेसका लागि दुर्भाग्य भएको बताए । पार्टीभित्र ४० प्रतिशत महाधिवेशन प्रतिनिधिको म्यान्डेट पाएको कोइराला समुूलाई बेवास्ता गरेर फरक पार्टीसँग गठबन्धन गरेर चुनावमा जित निकाल्ने सभापति मानसिकता नै गलत भएको नेता कर्णले बताए ।

उनले पार्टीभित्रको ठुलो समुूलाई मिलाउन नसक्ने तर फरक पार्टीसँग सहकार्य गर्छु भनेर हिडेका पार्टी सभापतिले कांग्रेसलाई कता लान खाजेको भन्दै पश्न गरे ।

नेता कर्णले पार्टीभित्रका हरेक निर्णयमा र भातृसंगठन गठन प्रक्रियामा एकाधिकार लाद्न खोजेको आरोप लगाउँदै खबरदारी देशभर सञ्चालन गरिने बताए । उनले कोइराला समूहलाई अन्याय मात्रै गरिराख्ने र एउटा गुटको सभापति बन्ने सोच भए त्यसको खबरदारी गर्ने र सभापति देउवाले गरेका हरेक निर्णयका बिरुद्धमा अभियान चलाइने बताए ।