पार्टीले गठबन्धनको पक्षमा निर्णय गरे कोइराला त्यसको विपक्षमा रहने

१५ चैत, काठमाडौं ।  नेपाली कांग्रेसको केन्द्रीय समिति बैठकले स्थानीय तह निर्वाचनमा गठबन्धन गरेर जाने पक्षमा निर्णय गरे संस्थापनइतर समूहका नेता डा. शेखर कोइराला समूह भने यस्तो निर्णयको विपक्षमा जाने भएको छ ।

गठबन्धन गर्न हुने र नहुने विषयमा विवाद चलिरहँदा १४औँ महाधिवेशनमा सभापतिका प्रत्यासी कोइराला समूह गठबन्धनको विपक्षमा देखिएको छ । यद्यपि महामन्त्री गगनकुमार थापाले भने गठबन्धनको विपक्षमा मत राखेपनि पार्टीले निर्णय गरेर गएमा त्यसलाई स्वीकार गर्ने बताएका छन् ।

सभापति शेरबहादुर देउवाले प्रतिपक्ष दल नेकपा एमाले बलियो भएकाले स्थानीय तहको निर्वाचनमा गठबन्धन गरेर जानुपर्ने मतको विपक्षमा मत प्रकट गर्ने कोइराला समूहभित्र पार्टीलाई एकताबद्ध बनाउने विषयमा अझै पनि छलफल जारी छ ।

संस्थापन पक्षका अधिकांश सदस्य गठबन्धनको पक्षमा उभिएका छन् तर त्यसका लागि केन्द्रबाट स्थानीय आवश्यकताको आधारमा मात्रै गठबन्धन गर्नुपर्ने तर्क बैठकमा प्रस्तुत भएका छन् ।

गत शुक्रबारदेखि जारी केन्द्रीय समितिको बैठकमा नेताहरुले धारणा राख्ने क्रम सकिएको छ । आज अपरान्ह ३ बजे बस्ने बैठकमा संसदीय बोर्ड, स्थानीय तह चुनावी घोषणा पत्र लेखन समितिलाई पूर्णता दिने विषयमा कांग्रेसले औपचारिक निर्णय गर्ने जनाइएको छ ।