चुनाव अघि हुनसक्ने कम्युनिष्ट एकतालाई रोक्न कांग्रेस गठबन्धनमा जान चाहेको हो: विश्वप्रकाश

१५ चैत, काठमाडौं ।  नेपाली कांग्रेसका महामन्त्री विश्वप्रकाश शर्माले फेरी बन्न सक्ने कम्युनिष्ट गठबन्धनलाई ध्यानमा राखेर कांग्रेसले सत्ता साझेदार दलहरुसँग गठबन्धन गर्न चाहेको बताएका छन् ।

उनले आगामी निर्वाचनमा पार्टीलाई पहिलो बनाउने उध्येश्य पुरा गर्नका लागि वाम गठबन्धन बन्नबाट रोक्नु आवश्यक भएको बताएका छन् ।

सामाजिक सञ्जाल ट्वीटरमार्फत महामन्त्री शर्माले सबै दल एक्लाएक्लै लड्ने स्थिति नभएको उल्लेख गर्दै भावनात्मक आवेग र वस्तुगत यथार्थ फरक भएको कुरा कांग्रेस कार्यकर्ताले बुझ्ने बताएका छन् । उनले परिस्थिति बदल्न स्थितिको आँकलन जरुरी रहेको कुरालाई कांग्रेसले हेरिरहेको बताए ।

श्र्माले भनेका छन्, ’कांग्रेसलाई पहिलो बनाउने उध्येश्य पुरा गर्न, कि सबै दल एक्लाएक्लै लड्ने स्थिति बनाउन सक्नुपर्छ कि ०७४ को झैं ‘वाम गठबन्धन’ बन्नबाट रोक्नुपर्छ ।’ यसका लागि गहिरो सुझबुझ जरुरी रहेको उनको भनाई छ ।

महमन्त्री शर्माले भरतपुरको भावना आत्मसात गरेर समाधान पहिल्याउन कांग्रेस प्रष्ट रहेको भन्दै चितवनको भरतपुर महानगरपालिकामा यसपटक कांग्रेसले मेयर छोड्न नहुनेमा स्थानीय कार्यकर्ताको जोड रहेको स्पष्ट पारेका छन् ।

कार्यकर्ताको इच्छा अनुसार शर्माले ‘भरतपुरको भावना’ आत्मसाथ गरेर समाधान निकाल्ने पनि जनाएका छन् ।