प्रधानमन्त्रीको भारत भ्रमणबारे परराष्ट्र आफै अस्पष्ट, आएन कार्यतालिक

१५ चैत, काठमाडौं ।  प्रधानमन्त्री शेरबहादुर देउवाको भारत भ्रमणबारे परराष्ट्र मन्त्रालय आफै अस्पष्ट देखिएको छ । प्रधानमन्त्रीको भ्रमणका विषयमा जानकारी दिन गरिएको पत्रकार सम्मेलनमा मन्त्रालयकी प्रवक्ता सेवा लम्सालले प्रधानमन्त्रीको आसन्न भारत भ्रमणको एजेण्डा तय हुन बाँकी रहेको बताइन् ।

भरतीय विदेश मन्त्रालयले सोमबारनै विज्ञप्ती जारी गरी देउवाको भ्रमणमा हुने कार्यक्रको तालिका सवार्जनिक गरिसकेको छ । तर, नेपालको परराष्ट्र मन्त्रालयले यसबारै भइरहेको तयारीका विष्वायमा समेत जानकारी गराउन सकेको छैन् ।

प्रवक्ता लम्सालले प्रधानमन्त्री शेरबहादुर देउवाले चैत १८, १९ र २० गते भारत भ्रमण गर्ने बताइन । भ्रमणका क्रममा नोपलका तर्फबाट राखिने एजेण्डबारे उनले तयार भइरहेको मात्र बताइन् । भाारतले भ्रमणका क्रममा हुने भेटमा गरिने सम्झौताका विषय समेत बताइ सकेको छ ।

उनले प्रधानमन्त्री देउवाले श्रीलंकामा भइरहेको बिमेस्टक राष्ट्रहरुको पाँचौं सम्मेलनलाई बिहीबार भर्चुअल माध्यमबाट बैठकमा सम्बोधन गर्ने जानकारी दिइन् । बैठकमा सहभागी हुने परराष्ट्रमन्त्री नारायण खड्का श्रीलंकाको कोलोम्बो पुगिसकेको र पाँच वटा सम्झौतामा हस्ताक्षर हुने तयारी रहेको उनको भनाइ थियो ।

प्रवक्ता लम्सालले गत फागुन ३० गतेदेखि १ गतेसम्म साउदी अरेबियाका राजकुमार एवं विदेशमन्त्री फैसल बिल फहरानको नेपाल भ्रमणको बारेमा पनि जानकारी दिइन् ।

यसक्रममा पहिलो पटक दुई देशका परराष्ट्रमन्त्री स्तरीय भेटघाट भएको बताउँदै लम्सालले विदेशमन्त्री फहरानको परराष्ट्रमन्त्री र प्रधानमन्त्री शेरबहादुर देउवासँग भेटवार्ता भएको बताइन् ।