एसी भएको बिजुलीबसमा चढेर ओली पुगे लुम्बिनी

१५ चैत, रुपन्देही । रुपन्देहीमा मंगलबारदेखि सञ्चालनमा आएको बिजुलीबस चढेर नेकपा एमालेका अध्यक्ष केपी शर्मा ओली लुम्बिनी पुगेका छन् । सुन्दर यातायातले सञ्चालनमा ल्याएको उक्त बिजुलीबस सेवाको उद्घाटन पनि अध्यक्ष ओलीले आफैले गरेका हुन् ।

उद्घाटनपछि अध्यक्ष ओली, उपाध्यक्ष विष्णुु पौडेल, सुन्दर यातायातका अध्यक्ष भेषबहादुर थापालगायतले बुटवलदेखि लुम्बिनीसम्म उक्त बसमा यात्रा गरेका हुन् ।

३० सिट क्षमताको युराबस कम्पनीको उक्त बसमा एसी, सीसी क्यामेरा, अटोमेटिक ढोकालगायतका फिचर्स छन् । सुन्दर यातायातले यसअघि काठमाडौंमा पनि बिजुली बस सञ्चालनमा ल्याएको थियो ।