गठबन्धनबारे केन्द्रीय समितिको निर्णय कार्यन्वयनमा लानुपर्छः सुजाता

चैत १६, विराटनगर ।  नेपाली कांग्रेसकी नेत्री सुजाता कोइरालाले अहिले चुनावी तालमेल आवश्यक रहेको भन्दै केन्द्रीय नेतृत्वले गरेको निर्णय कार्यान्वयन गरेर जानुपर्ने बताएकी छन् । उनले अहिलको निर्णय स्थानीय तहको भएको भन्दै संघ र प्रदेशको निर्वाचनमा अर्कै निर्णय हुने बताइन् ।

बुधबार विराटनगरमा आयोजित पत्रकार सम्मेलनमा उनले हाललाई तालमेलको विरोध गर्नुको कुनै अर्थ नहुने बताइन् । कोइरालाले अहिलेको परिस्थितमा कांग्रेस गठबन्धनबाट भाग्नु नहुँने भन्दै हिजोको कठिन परिस्थितिमा गठबन्धनकै कारण कांग्रेसको नेतृत्वमा सरकार आएको दावी गरिन् ।

प्रतिनिधिसभाको अब हुने निर्वाचनमा आफू गिरिजाप्रसाद कोइरालाको निर्वाचन क्षेत्रबाट उमेदवार हुने भन्दै निर्वाचनको तयारीमा जुट्न कार्यकर्तालाई आग्रह गरिन् । पार्टीभित्र देखिएका फरक मत र समूहका विषयमा धेरै टप्पणी गर्न आवस्यक नभएको भन्दै उनले सबै एकजुट भएर कांग्रेसलाई विजयी गराउन लाग्नुपर्ने बताइन् ।