अन्तरबैंक सापटीको ब्याजदर ७ प्रतिशत पुग्यो

१६ चैत, काठमाडौं । अन्तरबैंक सापटीको ब्याजदर ७ प्रतिशत बढी पुगेको छ । तरलता अभाव कम नएपछि बैंकहरुले अन्तरबैंक सापटीमा समेत ७ प्रतिशत नाघेको हो ।

तरलता अभाव सामाधान तिर नगएपछि बैंकहरुले अन्तरबैंक सापटीमा ७ दशमलव २ प्रतिशतभन्दा बढी ब्याज तिर्न थालेका छन्।

केन्द्रिय बैंकको तथ्याँक अनुसार चैत २७ गतेसम्म्मा बैंकहरुको अन्तरबैक सापटीको ब्याजदर ७ प्रतिशत पुगेको छ। आइतबारसम्ममा ७ प्रतिशत पुगेको हो।

चालु आवको माघमा अन्तरबैंक सापटीको ब्याजदर ५ प्रतिशतको हाराहारी थियो। मौद्रिक नीतिको अर्धवर्षिक समिक्षामा केन्द्रिय बैंकले स्थायी तरलता सुविधा, बैंक दर लगायतको ब्याजदर बढाएपछि बैंकहरुले पनि अन्तरबैंक सापटीमा ७ प्रतिशतसम्म ब्याज दर हाल्न थालेका थिए।

मौद्रिक नीतिको दोस्रो त्रैमासिक समिक्षा अघि यस्तो सिमा ५ प्रतिशत थियो। बैंकहरुले ५ प्रतिशतको सिमा नाघेर अन्तरबैक सापटी लिन थालेपछि केन्द्रिय बैंकले उक्त सिमालाई बढाएर छ । अहिले बैंकहरुले ७ प्रतिशतभन्दा पनि माथि पुगेर सापटी लिन थालेका छन्।