इन्धनबाट चल्ने सवारीसाधनलाई अब विद्युतीय बनाउन पाइने, इन्जिन वा चेसिसमा परिवर्तन

१६ चैत, काठमाडौं । इन्धनबाटबाट चल्ने सवारीसाधनलाई अब विद्युतीय बनाउन पाइने भएको छ । सरकारले राजपत्रमा सूचना जारी गर्दै इन्धनबाट चल्ने सवारीसाधनलाई विद्युतीय बनाउन बाटो खोलेको हो । ३ वर्षसम्मका लागि इन्धनका सवारीसाधनको इन्जिन वा चेसिसमा परिवर्तन गर्न पाउने व्यवस्था गरिएको छ ।

सवारी तथा यातायात व्यवस्था ऐन २०४९ को दफा ३९ को उपदफा (२) को प्रतिबन्धात्मक वाक्यांश तीन वर्षसम्म लागू नहुनेगरी इन्धन प्रणालीमा वातावरणमैत्री वा ऊर्जा दक्षतामूलक फेरबदल गरिने सवारीसाधनको हकमा छुट दिने निर्णय भएको’ राजपत्रमा उल्लेख छ ।

ऐनको १७६ मा सरकारले केही कामहरुलाई केही समयका लागि छुट दिन सक्ने व्यवस्था छ । सरकारले पेट्रोलियम इन्जिनको सवारीलाई विद्युतीय बनाउन छुट समेत दिने भएको छ ।