अमेरिकाले नेपालका लागि नयाँ राजदूत पठाउँदै

१६ चैत, काठमाडौं । नेपालका लागि अमेरिकी राजदूत  ¥याण्डी डब्लु बेरीको कार्यकाल नसकिदै अमेरिकाले नेपालका लागि नयाँ राजदूतमा डिन आर थोम्प्सनको नाम प्रस्ताव गरेको छ ।

अमेरिकी राष्ट्रपति जो बाइडेनले थोम्प्सनलाई नेपालका लागि अमेरिकी राजदूतका रूपमा नियुक्तिका लागि प्रस्ताव गरेको राष्ट्रपति कार्यालय ह्वाइट हाउसले जारी गरेको विज्ञप्तिमा उल्लेख छ । बाइडेनले प्रस्ताव गरेका थम्पसनको नाम संसदीय प्रक्रियाबाट अनुमोदन हुनुपर्छ ।

अनुमोदन भएमा उनले हालका नेपालका लागि अमेरिकी राजदूत ¥याण्डी डब्लु बेरीको स्थान लिने छन् । बेरीको कार्यकाल अब केहि समय बाँकी छ । तत्कालीन अमेरिकी राष्ट्रपति डोनाल्ड ट्रम्पद्वारा नियुक्त बेरीले ८ कार्तिक २०७५ मा नेपालका लागि अमेरिकी राजदूतका रूपमा पदभार सम्हालेका थिए ।

नेपालका लागि नयाँ राजदूतका रूपमा प्रस्तावित थोम्प्सन करिअर मिनिस्टर दर्जाका वरिष्ठ परराष्ट्र सेवाका करियर सदस्य हुन् । कूटनीतिज्ञका रूपमा उनले अमेरिकी विदेश मन्त्रालयका विभिन्न पदमा रही २५ वर्षभन्दा बढी सेवा गरिसकेका छन् ।

उनी हाल दक्षिण तथा मध्य एसियाली मामिलाका सन्दर्भमा अमेरिकी विदेश मन्त्रालयमा ‘डेपुटी असिस्टेन्स सेक्रेटरी’ का रूपमा कार्यरत छन् ।