उपसभापति खड्काले बोलाए निर्वाचन परिचालन समितिको पहिलो बैठक

१६ चैत, काठमाडौं ।  नेपाली कांग्रेसको केन्द्रीय समितिले संयोजकको जिम्मेवारी दिएपछि उपसभापति पूर्णबहादुर खड्काले आजका लागि स्थानीय तह निर्वाचन केन्द्रीय परिचालन समितिको बैठक बोलाएइका छन् । समितिले पूर्णता नपाए पनि बुधबार दिउँसो १ बस्ने गरी बैठक बोलाइएको हो ।

स्थानीय तह निर्वाचन केन्द्रीय परिचालन समितिको यो पहिलो बैठक हो । आजको बैठकम सातै प्रदेशका सभापतिसँग छलफल गर्ने कार्यक्रम राखिएको छ । स्थानीय तहको निर्वाचनको तयारीमा जुट्नका लागि सातै प्रदेशका सभापति सहित पदाधिकारीसँग जानकारी लिन र अगामी कार्यक्रमबारे छलफल गरिने भएको छ ।

मंंगलबार मात्रै कांग्रेस केन्द्रीय समितिले उपसभापति खड्का संयोजक रहेको ‘स्थानीय तह निर्वाचन केन्द्रीय परिचालन समिति’ गठन गरेको थियो । समितिलाई पूर्णता दिने विषयमा पनि आज छलफल हुनेछ । समितिमा सादस्य थप्ने विषयमा पनि सहमति भएको छैन ।

संस्थापन पक्षबाट संयोजक भएका खड्काले संस्थापनइतर समूहलाई कति स्थान दिनेहुन भन्ने चर्चा पनि सुर भएको छ । संस्थापनइतर समूहको नेतृत्व गरिरहेको डा. शेखर कोइराला समूहले सबै समितिमा महाधिवेशनमा पाएको मतको आधारमा सहभागिता पाउनुपर्ने अडान राखदै आएको छ ।