सभापतिमा शेखर कोइरालालाई हराउन मेरो कुनै भूमिका छैनः सुजाता

१६ चैत, विराटनगर ।  नेपाली कांग्रेसकी नेतृ सुजाता कोइरालाले १४ औँ महाधिवेशनमा सभापतिमा शेखर कोइरालालाई हराउन आफ्नो कुनै भूमिका नरहेको बताएकी छिन् । उनले आफुलाई अनावश्यक आरोप मात्र लगाइएको बताइन् ।

बुधबार गिरिजाप्रसाद कोइराला फाउण्डेशन मोरङले गरेको पत्रकार सम्मेलनमा नेतृ कोइरालाले पार्टीको १४ औँ महाधिवेशनमा शेखर कोइरालालाई हराउन आफूले कुनै पनि भूमिका नखेलेको बताएकी हुन् ।

सहमतिमै शेखर सभापतिमा लडेको भन्दै नेतृ कोइरालाले आगामी संसदीय निर्वाचनमा मोरङ क्षेत्र नम्बर २ बाट प्रत्यक्षतर्फ चुनाव लड्ने पनि घोषणा पनि गरिन् ।

उनले आगामी निर्वाचनमा पाँच दलीय गठबन्धनबीच गठबन्धन हुने पनि बताइन् । नेतृ कोइरालाले लोकतन्त्रको संरक्षण र राजनीतिक स्थिरताका लागि सत्तामा सहभागी दलबीच गठबन्धन कायम गरी जानुपर्ने आवश्यक्ता रहेको बताइन् ।