निष्कासनको पहिलो दिन कतिले भरे बलेफी हाईड्रोपावरको आईपीओ ?

१६ चैत, काठमाडौं । बुधबार साँझसम्म बलेफी हाईड्रोपावरको आईपीओ ४ बढीले भरेका छन् ।

सीडीएस एन्ड क्लियरिङ लिमिटेडका अनुसार बुधबार साँझ ५ः०१ बजेसम्ममा ४ लाख ३३ हजार ४७१ जना आवेदकहरुले ५ करोड २२ लाख रुपैयाँ बराबरको आवेदन दिएका छन् ।

कम्पनीले बुधबार चैत १६ गतेबाट सर्वसाधारणका लागि १६ लाख ६३ हजार कित्ता आइपीओ निष्कासन गरेको हो । कुल १८ लाख २७ हजार ९७० कित्ता सेयरमध्ये ५५ अर्थात् ९१ हजार ३९८ कित्ता सामूहिक लगानी कोष र ४५ अर्थात् ७३ हजार ११९ कित्ता सेयर कर्मचारीहरुका लागि छुट्याएर बाँकी सेयर सर्वसाधारणलाई जारी भएको हो ।

यस आइपीओमा चैत ३० गतेसम्म आवेदन दिन सकिनेछ । लगानीकर्ताले यसमा न्यूनतम १० कित्तादेखि अधिकतम १ लाख कित्ताका लागि आवेदन दिन सक्नेछन् ।

लगानीकर्ताले सि–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् । रेटिङ एजेन्सी इक्रा नेपालले बलेफीकोलाई ‘इस्यूअर रेटिङ डबल बी’ रेटिङ प्रदान गरेको छ । जसले कम्पनीको दायित्व बहन गर्ने क्षमतामा औसत जोखिम रहेको जनाउँछ । यो आइपीओमा ग्लोबल आइएमई क्यापिटल बिक्री प्रबन्धक रहेको छ ।