मिथ्या र भ्रामक समाचार प्रवाह हुन थाल्यो, तपाईहरु सचेत बन्नुहोस्ः प्रधानमन्त्री

१७ चैत, काठमाडौं । प्रधानमन्त्री शेरबहादुर देउवाले मिथ्या र भ्रामक समाचार प्रवाह बढेको भन्दै यस्ता समाचारले विश्वसनीतामा ह्रास ल्याउने बताएका छन् । देउवाले यस्ता समाचारबाट आउने विश्वासनीयतमा हुने कमीलाई रोक्न सञ्चार क्षेत्रलाई सचेत रहन आग्रह गरेका छन् ।

बिहीबार रिपोर्टस क्लव नेपालको २४ औं वार्षिकोत्सव कार्यक्रममा प्रधानमन्त्री देउवाले प्रेस स्वतन्त्रताप्रति सरकार प्रतिबद्ध रहेको बताए ।देशको परिवर्तनमा सञ्चार माध्यमले अहम् भूमिका निर्वाह गरेको उनको भनाई छ ।

सञ्चार माध्यम आवाजविहीनको आवाज रहेकाले देशको राजनीति सामाजिक परिवर्तनमा निकै भूमिका निभाएको प्रधानमन्त्री देउवाको वादी

छ ।
देशको विकासका लागि सञ्चार माध्यमको भूमिका अर्थपूर्ण हुने भएकाले आसन्न्न निर्वाचनमा पनि सोहीअनुसार भूमिका निर्वाह गर्ने उनको विश्वास छ । समस्या र अप्ठ्यारा चिरेर सत्तारुढ गठबन्धनलाई अघि बढाउने प्रधानमन्त्री देउवाको भनाइ छ ।