ढुक्क हुनुहोस, गठबन्धन कायमै राखेर चुनाव स्वतन्त्र र निष्पक्ष गराउँछुः प्रधानमन्त्री देउवा

 १७ चैत, काठमाडौं ।  प्रधानमन्त्री शेरबहादुर देउवाले चुनावमा गठबन्धन एकतावद्ध भएर बढ्ने बताएका छन् । उनले गठबन्धनलाई कायमै राखेर आगामी तीनै तहको निर्वाचन सम्पन्न गराउने बताए ।

बिहीबार रिपोर्टर्स क्लबले राजधानीमा आयोजित कार्यक्रमलाई सम्बोधन गर्दै प्रधानमन्त्री देउवाले गठबन्धन पछिसम्म एकतावद्ध भएर जाने बताए । देउवाले स्थानीय तहको निर्वाचन निष्पक्ष, स्वतन्त्र र विवादरहित ढंगले सम्पन्न गराउन आफु प्रतिबद्ध रहेको बताए ।

उनले भने,‘म यो गठबन्धनलार्य कायम राखेर निष्पक्ष रुपमा चुनाव सम्पन्न गराउँछु तपाइहरु ढुक्क हुनुहोस ।’ देउवाले गठबन्धनका सबैको सहयोगमा आफु प्रधानमन्त्री बनेको बताए ।

चुनावमा पनि गठबन्धन एकतावद्ध भएर अगाडि बढने र सबै अप्ठ्याराहरुलाई छिचोल्दै अगाडि बढेर भविष्यमा पनि समस्याको समाधान गरेर देखाउने बताए ।

चुनावलाई स्वतन्त्र र भयरहित बनाउन आफू गम्भीर भएर लागेको बताए । सफल र स्वतन्त्र चुनावका लागि मिडियाको भूमिका महत्वपूर्ण हुने भन्दै साथ र सहयोगको आग्रह गरे ।

देउवाले मिडियामा मिथ्या र भ्रामक समाचारहरुप्रति गम्भीर हुनुपर्ने बताए । उनले मिडियाले आर्थिक, सामाजिक र राजनीतिक परिवर्तनमा महत्वपूर्ण भूमिका निभाएको बताए ।