दुई इन्स्योरेन्ससहित तीन कम्पनीको शेयरमूल्य समायोजन

१७ चैत, काठमाडौं । नेप्सेमा तीन कम्पनीको शेयरमूल्य समायोजन भएको छ। यस दिन चैत १७ गते, बिहीबार, नेपाल स्टक एक्सचेञ्जमा नेप्सेले प्रभु इन्स्योरेन्स, आरम्भ चौतारी लघुवित्त र सिद्धार्थ इन्स्योरेन्सको मूल्य समायोजन गरेको हो।

साधारण सभा तथा लाभांश वितरण प्रयोजनार्थ यी कम्पनीहरुले बुकक्लोज गरेसँगै नेप्सेले मूल्य समायोजन गरी नयाँ मूल्य निर्धारण गरेको हो। यस दिन नेप्सेले प्रभु इन्स्योरेन्सको ११ प्रतिशत, आरम्भ चौतारी लघुवित्तको १९.६२ प्रतिशत र सिद्धार्थ इन्स्योरेन्सको १५ प्रतिशत बोनस शेयर समायोजन गरेको हो।

समायोजनपश्चात प्रभु इन्स्योरेन्सको शेयरमूल्य ७४३ रुपैयाँ २४ पैसा कायम भएको छ भने आरम्भ चौतारीको १ हजार ११६ रुपैयाँ ८६ पैसा र सिद्धार्थ इन्स्योरेन्सको ८९१ रुपैयाँ ३० पैसा कायम भएको छ।

नेप्सेले अघिल्लो कारोबार दिनको अन्तिम मूल्यका आधारमा यी कम्पनीहरुको शेयरमूल्य समायोजन गरेको हो। अघिल्लो कारोबार दिन अर्थात बुधबार प्रभु इन्स्योरेन्सको शेयर प्रतिकित्ता ८२५ रुपैयाँमा अन्तिम कारोबार भएको थियो। त्यसैगरी, आरम्भ चौतारीको १ हजार ३३६ रुपैयाँ र सिद्धार्थ इन्स्योरेन्सको १ हजार २५ रुपैयाँमा अन्तिम कारोबार भएको थियो।

यही समायोजित मूल्यलाई आधार मानेर बिहीबार दोस्रो बजारमा यी कम्पनीहरुको शेयर कारोबार खुल्नेछ।