राष्ट्रिय बीमा कम्पनीको सीईओमा ओझा नियुक्त

१७ चैत, काठमाडौं । राष्ट्रिय बीमा कम्पनी लिमिटेडको प्रमुख कार्यकारी अधिकृतमा ज्ञानेन्द्रराज ओझा नियुक्त भएका छन् ।

नेपाल सरकार अर्थ मन्त्रीस्तरको चैत १३ आइतबार बसेको निर्णय अनुसार अर्थ मन्त्रालयका उप सचीव समेत रहेका ओझालाई कम्पनीको सीइओ नियुक्त गरेको हो ।

कम्पनीका प्रमुख कार्यकारी अधिकृत डिल्ली राज अर्याल गत भदौमा अर्थमन्त्राल फिर्ता भएपछि सीइओ पद रिक्त थियो । सरकारले खुल्ला प्रतिस्पर्धाबाट सीइओ नियुक्त गर्ने प्रक्रिया अघि बढाएको भएपनि मन्त्रालयका उप सचीव ओझाको नाम सिफारिस गरेको थियो ।

कम्पनीले खुल्ला प्रतिष्पर्धाबाट सीइओ नियुक्तिको लागि प्रकृया थालेको भएपनि त्यसलाई पन्छाएर सरकारले सीइओ नियुक्त गरेको हो ।