आरटीजीएस सञ्चालनको समय बढाइयो

१७ चैत, काठमाडौं । नेपाल राष्ट्र बैंकले रियल टाइम ग्रस सेटलमेन्ट (आरटीजीएस) प्रणाली सञ्चालनको समय बढाएको छ । आरटीजीएस प्रणालीमार्फत कारोबार बढेपछि राष्ट्र बैंकले समय थपेको हो ।

राष्ट्र बैंकले बुधवार एक सूचना जारी गर्दै आगामी वैशाख २ देखि नयाँ कारोबार समय लागू हुने जानकारी दिएको छ । सूचनाअनुसार माघ १६ देखि कात्तिक १५ सम्म आइतवारदेखि बिहीवारसम्म विहान ९ देखि साँझ ५ बजेसम्म उक्त प्रणालीबाट कारोबार गर्न सकिन्छ ।

कात्तिक १६ देखि माघ १५ सम्म बिहान ९ देखि अपराह्न ४ बजेसम्म प्रणाली सञ्चालन हुनेछ । शुक्रवार भने बिहान ९ देखि अपराह्न १स्३० बजेसम्म कारोबार गर्न सकिने राष्ट्र बैंकले बताएको छ ।

पछिल्लो समय सरकार र राष्ट्र बैंकले नगद कारोबारलाई निरुत्साहित गर्दै विद्युतीय भुक्तानीलाई प्राथमिकता दिएका छन् । सर्वसाधारणमा पनि मोबाइल वालेटदेखि, कार्ड, मोबाइल बैंकिङ, कनेक्ट आईपीएस जस्ता विद्युतीय भुक्तानी प्रयोगतर्फ आकर्षण बढेको छ ।