नेप्से परिसूचकसँगै घट्यो कारोबार रकम, हालै आईपीओ जारी गरेका तीन कम्पनीको शेयरमा सर्किट

१७ चैत, काठमाडौं । नेप्से परिसूचक २३ दशलमव ९५ अंक बढेर २ हजार ५४४ दशमलव ३० विन्दुमा पुगेको छ ।

यो दिन कारोबारमा आएका २२८ कम्पनीको ३७ लाख ८६ हजार कित्ता शेयरको ३७ हजार पटकमा १ अर्ब ८९ करोड बराबरको शेयर खरीदविक्री भएको हो ।

यो दिन कारोबारमा आएका ती धितोपत्रमध्ये तीन कम्पनीको मूल्यमा सकारात्मक सर्किट लागेको छ । इमर्जिङ्ग नेपालको शेयरमूल्य अघिल्लो कारोबार दिनको तुलनामा १० प्रतिशत वृद्धि र नेपाल राष्ट्र उत्थान लघुवित्त वित्तीय संस्था र नेष्डो समृद्ध लघुवित्त वित्तीय संस्थाको शेयरमूल्य ९ दशमलव ९९ प्रतिशतका दरले वृद्धि भएसँगै सकारात्मक सर्किट लागेको हो ।

यो दिन इमर्जिङ्ग नेपालको शेयरमूल्य प्रतिकित्ता १ हजार २२४ दशमलव ५०, राष्ट्र उत्थान लघुवित्त वित्तीय संस्थाको १ हजार ३१९ दशमलव ६० र नेष्डो समृद्ध लघुवित्त वित्तीय संस्थाको १०५५ दशलमव ७० पुगेको छ ।

त्यसैगरी बिहीबार नारायणी डेभलपमेन्ट बैंकको मूल्य ४ दशमलव ७९ प्रतिशत घटेर ४७१ रुपैयाँमा कायम भएको छ । दोस्रोमा युनाइटेड मोदी हाईड्रोपावरको शेयरमूल्य ४ दशमलव ५३ प्रतिशतले घटेर प्रतिकित्ता शेयरमूल्य ३३५ रुपैयाँ, युनियन हाईड्रोपावरको शेयरमूल्य ४ दशमलव ३९ प्रतिशतले घटेर प्रतिकित्ता शेयरमूल्य ३२७ रुपैयाँ झरेको छ ।

बिहीबार सर्वाधिक शेयर खरीदविक्री इमर्जीङ नेपाल कम्पनी रहेको छ । कम्पनीको ९ करोड २३ लाख बराबरको शेयर खरीदविक्री भएको हो । यो दिन कम्पनीको शेयरमूल्य प्रतिकित्ता १ हजार २२४ कायम भएको छ ।