केन्द्रीय बैंकले नागरिक बचतपत्र निष्काशन गर्दै, ब्याज कति ?

१७ चैत, काठमाडौं । केन्द्रीय बैंकले नागरिक बचतपत्र निष्काशन गर्ने भएको छ । केन्द्रीय बैंकल ५ वर्षे अवधिको लागि नागरिक बचतपत्र निष्काशन गर्ने भएको हो ।

राष्ट्र बैंकको मौद्रिक व्यवस्थापन विभागले ५ वर्षे अवधिको लागि २ अर्ब रुपैयाँ नागरिक बचतपत्र २०८३ ‘क’ निष्काशन गर्ने भएको छ । बार्षिक १० प्रतिशत ब्याजदर पाइने ऋणपत्रमा ६/६ महिनामा ब्याज भुक्तानी हुनेछ ।

सबै नेपाली नागरिकले खरिद गर्न पाउने बचतपत्र घटिमा १० हजार रपैयाँ र बढीमा कुल निष्काशित रकमको सीमामा नबढाई १० हजार रुपैयाँले भाग गर्दा निःशेष भाग जाने अंकमा हुनुपर्ने छ । यो बचतपत्र धितो राखी बैंक तथा वित्तीय संस्थाबाट कर्जा लिन वा दिन सकिने छ ।

चैत १ देखि २० गतेसम्म बचतपत्र निष्काशन हुनेछ । निष्काशन बन्द चैत ३० गते हुनेछ । सावा भुक्तानीको अवधि भने २०८३ चैत ३० गते रहेको छ ।