ग्रीन भेन्चर्सको आईपीओ आइतबार बाँडफाँड हुने, ओपनिङ रेञ्ज कति ?

१७ चैत, काठमाडौं । ग्रीन भेन्चर्स कम्पनीले सर्वसाधारण लगानीकर्ताको लागि बिक्री गरेको आईपीओ आइतबार बाँडफाँड गर्ने भएको छ । कम्पनीले चैत ८–११ गतेसम्म सर्वसाधारण लगानीकर्ताको लागि बिक्री गरेको आईपीओ चैत २० गते आइतबार बाँडफाँड गर्ने भएको हो ।

आईपीओको प्री–अलटमेन्ट सम्पन्न गरि आइतबार बाँडफाँड गर्ने तयारी भइरहेको बिक्री प्रबन्धक लक्ष्मी क्पापिटलले जनाएको छ।

कम्पनीले सर्वसाधारणको लागि बिक्री गरेको २८ लाख ७५ हजार कित्ता आईपीओ नेपाल धितोपत्र बोर्डको निर्देशिका अनुसार गोलाप्रर्था मार्फत बाँडफाँड हुँदा २ लाख ८५ हजार ५ सय जनाले १० कित्ताको दरले पाउनेछन् ।

कति पाउला ओपनिङ रेञ्ज ?

नेप्सेले कम्पनीको पहिलो कारोबारका लागि प्रतिशेयर न्युनतम ९१ रूपैयाँ ८६ पैसादेखि अधिकतम २ सय ४५ रुपैयाँ ५८ पैसासम्म ओपनिङ रेञ्ज निर्धारण गर्ने देखिन्छ ।

नेप्सेले हरेक कम्पनीको पहिलो कारोबारको लागि नेटवर्थको तीन गुणासम्म ओपनिङ रेञ्ज तोक्ने गर्दछ ।

कम्पनीको आर्थिक वर्ष २०७७/७८ को प्रतिशेयर नेटवर्थ ८१ रुपैयाँ ८६ २३ पैसा रहेको छ । सोही नेटवर्थको ३ गुणा २४५ रुपैयाँ ५८ पैसा हुन्छ ।