आरआरआरले बाहुबीको कमाइलाई उछिन्यो

१७ चैत, मुम्बई । एसएस राजामौली निर्देशित फिल्म आरआरआरले विश्वभर ६०० करोड भन्दा बढी कमाइ गरेकाे छ ।

कीर्तिमानी कमाइ गरेको यो फिल्मले भारतमात्रै १२० करोड बढी कमाइ गरेको छ भने विश्वभरि ६०० करोड बढी कमाइ गरेको हाे ।

आरआरआरले बाहुबीको कमाइलाईसमेत उछिनेको भारतीय सञ्चारमाध्यमले जनाएका छन्। भारतमा यो फिल्मले पहिलो दिन २० करोड, दोस्रो दिन २४ करोड, तेस्रो दिन साढे ३१ करोड, चौथो दिन १७ करोड, पाँचौ दिन १५ करोड र छैटौं दिन १३ करोड कमाइ गरेको छ।

अर्का ट्रेड एनालिस्ट मनोबाला विजयाबालनका अनुसार यो फिल्मले विश्भरि ६७२ करोड कमाइ गरेको छ। जसमा पहिलो दिन २५७ करोड, दोस्रो दिन ११४, तेस्रो दिन ११८, चौथो दिन ७२, पाँचौं दिन ५८ र छैटौं दिन ५० करोड कमाइ गरेको छ।

बाहुबली भाग १ ले ६५० करोडको व्यापार गर्दा बाहुबलीको दोस्रो भागले १८ सय करोड बढी व्यापार गरेको थियो।