तीन कम्पनीले तोके बुक क्लोज मिति, कुनको कहिले ?

१८ चैत, काठमाडौं । नेप्सेमा सूचीकृत ३ कम्पनीले साधारणसभा र लाभांश वितरण प्रयोजको लागि बुक क्लोज मिति तय गरेको छन् । नयाँ सारथी लघुवित्त, आईएमई जनरल इन्स्योरेन्स र प्रुडेन्सियल इन्स्योरेन्सले बुक क्लोज मिति तय गरेका छन् ।

हालसम्म नेप्सेमा सूचीकृत १७० कम्पनीले गत वर्षको मुनाफाबाट आफ्ना शेयरधनीलाई लाभांश घोषणा गरेका छन् । जसमध्ये करिब १६० कम्पनीले बुक क्लोज गरि साधारणसभा समेत सम्पन्न गरिसकेका छन् ।

आधा दर्जन कम्पनीले अझै तोकेनन् बुक क्लोज मिति ?

त्यस्तै, लाभांश घोषणा गर्ने ६ वटा कम्पनीले अझै बुक क्लोज मिति तय गरेका छैनन् । गत वर्षको मुनाफाबाट लाभांश घोषणा गरेका एभरेष्ट इन्स्योरेन्स, सगरमाथा इन्स्योरेन्स, नेपाल इन्स्योरेन्स, वीन नेपाल लघुवित्त, लुम्बिनी जनरल इन्स्योरेन्स र किसान लघुवित्तले बुक क्लोज मिति तय गरेका छैनन् ।

कुन कुन कम्पनीले तोके बुक क्लोज मिति ?

नयाँ सारथी लघुवित्त, आईएमई जनरल इन्स्योरेन्स र प्रुडेन्सियल इन्स्योरेन्सले बुक क्लोज मिति तय गरेका छन् । यी तीन वटै कम्पनीको बुक क्लोज मितिको अघिल्लो दिनसम्म शेयर खरिद गर्नेले लाभांश हात पार्नेछन् ।

नयाँ सारथी लघुवित्तले चैत २२ गते, प्रुडेन्सियल इन्स्योरेन्सलले चैत २३ गते र आईएमई जनरल इन्स्योरेन्सले चैत २४ गते बुक क्लोज गदैछन् यद्दपी यी तीन वटै कम्पनीको बुक क्लोजको अघिल्लो दिनसम्म कायम लगानीकर्ता लाभांश र साधारणसभाको हकदार बन्नेछन् ।