कांग्रेस नेता गजेन्द्रले दिए दमक अस्पताललाई ६ थान कुर्सी

१८ चैत, काठमाडौं । नेपाली कांग्रेस दमकका युवा नेता गजेन्द्र देवानले दमक अस्पताललाई ६ वटा फलामको कुर्सी हस्तान्तरण गरेका छन् । देवानले बिहीबार दमक अस्पताललाई सो ६ फलामको कुर्सी हस्तान्तरण गरेका हुन् ।

दमक अस्पतालमा बिरामीहरुको चाँपले दिनभरि उभिएरै पालो पर्खनु पर्ने बाँध्यात्मक अवस्थालाई मध्येनजर गदै देवानले आफ्नो नीजि खर्चमा ६ वटा फलामको कुर्सी हस्तान्तरण गरेका छन् ।

अहिले दमक अस्पतालमा दिनहुँ १००० जना भन्दा बढी बिरामीहरुको नियमित चेकजाँच तथा उपचार भैइरहेको अवस्थामा बिरामीका लागि बस्ने यथेष्ठ कुर्सीको अभावलाई पुर्ति गराउन र उपचार गराउन आउदा लामो समयसम्म उभिनु पर्ने अवस्थाको अन्त्य गर्न उक्त कामले सहजता प्राप्त हुने दमक नगर पालिका उप–प्रमुख गिता अधिकारीले बताएकी छन् ।

दमक नगरपालिका उप–प्रमुख गिता अधिकारीले कांग्रेस युवा नेता गजेन्द्र देवानको यस कार्यले अस्पतालको मात्र नभई सिंगो दमकबासीको शिर उचो भएको बताएकी छन् ।

दमक नगर पालिकाकी उप प्रमूख गिता अधिकारी मार्फत दमक अस्पताललाई उक्त कुर्सी हस्तान्तरण गरिएकोमा अस्पतालमा उपचार गराउन आएका बिरामीहरु लगायतले गजेन्द्र देवानको यस्तो परोपकारी कार्यको मुक्तकण्ठले सह्राना गरेका थिए ।

हस्तान्तरण कार्यक्रममा नेपाली काङ्ग्रेस दमक नगर समितिका सभापति प्रकाश प्रसाईं, नेपाली काङ्ग्रेस वडा नं. १ का सचिव यज्ञप्रसाद भट्टराई, नेकपा एमालेका युवा नेता नेता हरि प्रसाद न्यौपाने लगायतको उपस्थिति रहेको थियो ।