बल्ल प्रकासित गर्यो साल्ट ट्रेडिङ कर्पोरेशनले दोस्रो त्रैमासको रिपोर्टः व्यापार खस्किदै जादा पर्यो मुनाफामा धक्का ?

१८ चैत, काठमाडौं । साल्ट ट्रेडिङ कर्पोरेशन लिमिटेडले बल्ल आएर चालू आवको दोस्रो त्रैमासीक वित्तीय विवरण सार्वजनिक गरेको छ । अन्य कम्पनीले तेस्रो त्रैमासको वित्तीय विवरण प्रकासित गर्ने समयमा आएर साल्ट ट्रेडिङ कर्पोरेशन लिमिटेडले दोस्रो त्रैमासको वित्तीय विवरण सार्वजनिक गरेको हो ।

चालु आवको दोस्रो त्रैमाससम्ममा आइपुग्दा कम्पनीको मुनाफामा उच्च गिरावट देखिएको छ । कम्पनीको व्यापार खस्किदै जादा कम्पनीको मुनाफामा धक्का लागेको छ ।

कम्पनीले १ करोड २७ लाख ७९ हजार ७११ रुपैयाँ मुनाफा गरेको छ । गत वर्ष सोही अवधिमा कम्पनीले २ करोड ५२ लाख ३७९ रुपैयाँ मुनाफा गरेको थियो । जुन मुनाफा चालु आवको दोस्रो त्रैमासको तुलनामा करिब ४८ प्रतिशत बढि हो ।

चालू आवको दोस्रो त्रैमाससम्ममा कम्पनीको बिक्री आम्दानीमा उच्च गिरावट आउदा सम्रग मुनाफा घटेको हो । कम्पनीको उत्पादन बिक्री मार्फत ३ अर्ब ५१ करोड आम्दानी गर्न सफल भएको छ । सो आम्दानी गत वर्षको दोस्रो त्रैमाससम्म ५ अर्ब ८९ करोड रहेको थियो ।

कम्पनीको चुक्ता पूँजी २३ करोड ४ लाख रुपैयाँ पुगेको छ । चालू आवको दोस्रो त्रैमाससम्ममा कम्पनीले जगेड कोषमा १ अर्ब ३१ करोड रुपैयाँ सञ्चित गरेको छ । साल्ट ट्रेडिङ कर्पोरेशन लिमिटेडको प्रतिशेयर आम्दानीका गिरावट देखिएको छ ।

सो अवधिमा कम्पनीको प्रतिशेयर आम्दानी ११ दशमलव ०९ रुपैयाँ (वार्षिक) ,मूल्य आम्दानी अनुपात ६२० दशलमव ४१ र प्रतिशेयर शेयर नेटवर्थ ४५५ दशमलव २१४ रुपैयाँ रहेको छ ।

हेरौं कम्पनीको लाभांश ऐतिहास

अधिल्ला वर्षहरुमा करिब ३० प्रतिशतको हाराहारीमा शेयरधनीलाई लाभांश दिइरहेको कम्पनीले गत आवको मुनाफाबाट १० दशमलव ५ प्रतिशत मात्र लाभांश दिन सफल भयो ।

कम्पनीको खस्किदो ब्यापारले गर्दा आगामी वर्षमा लाभांश दर झनै घट्ने अनुमान गर्न सकिन्छ । पछिल्लो दिन कम्पनीको खस्किरहेको व्यापार र घट्दो लाभांश दरले शेयरधनीलाई निरास पारेको देखिन्छ ।