प्रधानमन्त्रीको कार्यवाहक जिम्मेवारी गृहमन्त्री खाँणलाई

१८ चैत, काठमाडौं ।  प्रधानमन्त्री शेरबहादुर देउवा भारत भ्रमणमा गएपछि उनको अनुपस्थितिमा गर्नुपने प्रशासनिक कामको जिम्मेवारी गृहमन्त्री बालकृष्ण खाँणलाई दिइएको छ ।

प्रधानमन्त्री देउवाकै सिफारिसमा नेपालको संविधान अनुसार राष्ट्रपति विद्यादेवी भण्डारीले प्रशासनिक कामको जिम्मेवारी गृहमन्त्री खाँणलाई दिएकी हुन् ।

प्रधानमन्त्री देउवा तीन दिने भ्रमणका लागि शुक्रबार मित्रराष्ट्र भारत प्रस्थान गरिसकेका छन् । राष्ट्रपति कार्यालयका प्रवक्ता सागर आचार्यले विज्ञप्ति जारी गर्दै प्रधानमन्त्रीको अनुपस्थितिमा गर्नुपर्ने प्रशासनिक कामको जिम्मेवारी गृहमन्त्री खाँणलाई दिइएको जानकारी गराउएका छन् ।