आयोगले ‘निर्वाचन आचारसंहिता’ पालनाका विषयमा दलहरुसँग छलफल गर्दै

 २२ चैत, काठमाडौं । निर्वाचन आयोगले स्थानीय तह निर्वाचनमा भाग लिने राजनीतिक दलहरुसाँग मंगलबार छलफल गर्र्दैछ । आजको छलफलमा निर्वाचन आचार संहिता पालनाका लागि आयोगले लिखित प्रतिबद्धता माग्ने भएको छ ।

त्यसका लागि स्थानीय तह निर्वाचनमा भाग लिने ७९ दलका प्रतिनिधिहरुलाई मंगलबार बिहान साढे ११ बजेदेखि निर्वाचन आयोगमा बोलाइएको छ ।

निर्वाचन आयोगकाअनुसार राजनीतिक दलका प्रतिनिधिहरुलाई निर्वाचन आचार संहिताबारे जानकारी गराउने र ती आचार संहिता पालना गर्नेछौं भनेर लिखित प्रतिबद्धता पत्रमा हस्ताक्षर गर्न लगाइने छ ।