केन्द्रीय बैंकले आयातलाई थप नियन्त्रण गदै

२२ चैत, काठमाडौं । नेपाल राष्ट्र बैंकले देशको आर्थिक अवस्था बिग्रदै गएपछि आयातलाई थप कडाइ गर्न खोजेको छ। केन्द्रीय बैंकले सोमबार वाणिज्य बैंकका सीईओहरुलाई बोलाएर गाडीलगायतको आयात रोक्न आग्रह गरेको हो।

विदेशी मुद्रा सञ्चिति घट्दै गएपछि राष्ट्र बैंकले निजी सवारी साधन आयातमा प्रतितपत्र (एलसी) नखोल्न बैंकलाई निर्देशन दिएको केन्द्रीय बैँकले बोलाएको बैठकमा सहभागी एक बैंकरले बताए।

केन्द्रीय बैंकले सोमबार २७ वटै वाणिज्य बैंकका प्रमुख कार्यकारी अधिकृतलाई बोलाएर गरेको छलफलमा अत्यावश्यक वस्तु बाहेक अन्यमा एलसी नखोल्न आग्रह गरेको हो।

यस्तै वाणिज्य बैंकहरुले सीडी रेसियो ९१ प्रतिशतसम्म पुगको त्यसलाई सीमामा ल्याउन केन्द्रीय बैंकले आग्रह गरेको छ । ।

अहिले अधिकांश बैंकको सिडि रेशियो सिमाभन्दा माथि पुगेको छ।