स्थानीय तहमा एमालेले दलगत गठबन्धन गर्दैन,एक्लै लड्छ: महासचिव पोख्रेल

२२ चैत, दाङ । नेकपा एमालेका महासचिव शंकर पोख्रेलले स्थानीय तहको चुनावमा एमालेले कुने पनि दलसँग दलगत गठबन्धन नगर्ने बताएको छ । उनले स्थानीय तहमा बढी भन्दा बढी सिट जित्नका लागि कसैको सहारा नचाहिँने र एक्लै लड्ने बताएका छन् ।

प्रेस चौतारी दाङले घोराहीमा गरेको पत्रकार सम्मेलनमा महासचिव पोख्रेलले ३० वैशाखमा हुने चुनावमा एमालेले कुनै दलसँग तालमेल नगरी एक्लै चुनाव लड्ने भन्दै राप्रपा र सिके राउत लगायतका दलसँग पनि दलगत तालमेलको असम्भव रहेको बताए ।
उनले सत्तारुढ गठबन्धनका दलले एमालेले राजवादी दलसँग तालमेल हुँदेछ भनेर भ्रम फैलाएको आरोप लगाए । उनले कुनै एकाध दलसँग छलफल भएपनि गठबन्धन भने नहुने बताए ।