भारतमा पेट्रोल र डिजेलको मूल्य बढेपछि नेपालमा तनाव

२२ चैत, काठमाडौं ।  विश्व बजारमा बढेको इन्धनको मुल्यले प्रत्यक्ष प्रभाव पारिरहेको अवस्थामा भारतले फेरी पेट्रोल र डिजेलको मूल्य बढाएको छ । भारतमा मुल्यबृद्धि हुँना साथ त्यसको प्रत्यक्ष असर नेपाली बजारमा पनि पर्ने चिश्चित छ ।
भरतमा पछिल्लो दुई हप्तामाा ९.२० रुपैयाँले इन्धनको मूल्यमा वृद्धि भइसकेको छ ।

जारी भएको नयाँ मूल्यअनुसार पेट्रोलको मूल्य १०३.८१ भारतीय रूपैयाँबाट बढेर १०४.७१ रुपैयाँ पुगेको छ । त्यस्तै, डिजेलको मूल्य ९५.०७ रुपैयाँ बाट बढेर ९५.८७ रुपैयाँ पुगेको छ ।

भारतले नयाँ मुल्यसूची पठाएमा नेपाल आयल निगमले पनि फेरी इन्धनको मूल्य बढाउने निश्चित छ । यस अघि पनि भारतमा मुल्य बढ्दा नोपलमा पनि बढ्दै आएको छ । गत २२ मार्चमा चार महिनाको अन्तरपछि पहिलोपटक मूल्य वृद्धि भएको थियो । त्यतिबेला देखि अहिलेसम्म यो १३ पटकसम्म पेट्रोल डिजेलको मूल्यवृद्धि भइसकेको छ ।