बुधबारसम्म कायम शेयरधनीले प्रुडेन्सियल इन्स्योरेन्सको लाभांश पाउने ?

२२ चैत, काठमाडौं । प्रुडेन्सियल इन्स्योरेन्सको लाभांश सुरक्षित गर्ने बुधबार अन्तिम दिन रहेको छ । कम्पनीले चैत २४ गते बिहीबार साधारणसभा र लाभांश प्रयोजनको लागि बुक क्लोज गदैछ ।

यद्दपी, चैत २३ गते बुधबारसम्म कम्पनीको शेयर खरिद गर्नेले कम्पनीको लाभांश पाउनेछन् ।

प्रुडेन्सियल इन्स्योरेन्सले २० औं वार्षिक साधारणसभा आगामी वैशाख ११ गते गर्ने भएको छ। सभा दिउँसो साढे १२ बजेपछि विराटनगरको दियालो लर्डस प्लाजामा हुने सूचना कम्पनीले जारी गरेको छ।

विशेष प्रस्तावतर्फ सभाले आर्थिक वर्ष २०७७/७८ का लागि प्रस्तावित कायम चुक्ता पुँजी १ अर्ब १० करोड ८५ लाख ४६ हजार ५६० रुपैयाँको कुल ७.३६८ प्रतिशत लाभांश अनुमोदन गर्नेछ।

प्रस्तावित लाभांशमा ७ प्रतिशतले हुन आउने ७ करोड ७५ लाख ९८ हजार २५९ रुपैयाँ बराबरको बोनस सेयर र कर प्रयोजनार्थ ०.३६८ प्रतिशतले हुन आउने ४० लाख ८४ हजार ११९ रुपैयाँबराबरको नगद लाभांश छ।