युनिक नेपाल एफपीओ निष्कासनको अनुमति माग्दै पुग्यो बोर्ड ?

२२ चैत, काठमाडौं । युनिक नेपाल लघुवित्त वित्तीय संस्थाले एफपीओ निष्काशन गर्ने भएको छ । लघुवित्तले ३ लाख ७९ हजार ४२५ कित्ता एफपीओ निष्काशन गर्ने भएको हो ।

लघुवित्तले एफपीओ निष्काशन गर्न अनुमति माग्दै नेपाल धितोपत्र बोर्डमा आवेदन दिएको छ ।लघुवित्तले प्रतिकित्ता १०० रुपैयाँका दरले ३ करोड ७९ लाख ४२ हजार ५०० रुपैयाँ बराबरको ३ लाख ७९ हजार ४२५ कित्ता एफपीओ निष्काशन गर्ने भएको हो ।

एफपीओ निष्काशनको लागि लघुवित्तले मुक्तिनाथ क्यापिटललाई बिक्री प्रबन्धक नियुक्त गरेको छ ।

घोडीघोडा लघुवित्त र यूनिक नेपाल लघुवित्त एक आपसमा मर्ज भएपछि युनिक नेपाल लघुवित्त वित्तीय संस्था कायम भएको छ ।

घोडीघोडा लघुवित्तले यूनिक नेपाल लघुवित्तलाई १ बराबर ०.५० शेयर अनुपातमा मर्ज भएको थियो ।