प्रुडेन्सियल इन्स्योरेन्सको लाभांश सुरक्षित गर्ने आज अन्तिम मौका

२३ चैत, काठमाडौं । प्रुडेन्सियल इन्स्यारेन्स कम्पनी लिमिटेडको लाभांश सुरक्षित गर्ने आज, चैत २३ गते अन्तिम दिन रहेको छ।

इन्स्योरेन्सले साधारण सभा तथा लाभांश वितरण प्रयोजनार्थ भोली अर्थात चैत २४ गते, बकुक्लोज गर्दैछ। यस अनुसार आजसम्म नेप्सेमा कारोबार भइ कायम शेयरधनीहरुले इन्स्योरेन्सको साधारण सभामा सहभागिता जनाउन तथा इन्स्योरेन्सले वितरण गर्ने लाभांश प्राप्त गर्न सक्नेछन्।

इन्स्योरेन्सले बैशाख ११ गते दिनको १२ः३० बजे पर्सा, वीरगञ्जको दियालो लर्डस प्लाजामा २० औं वार्षिक साधारण सभा बोलाएको हो।

साधारण सभाबाट कम्पनीले गत आर्थिक वर्षको मुनाफबाट प्रस्तावित ७ प्रतिशत बोनस शेयर र कर प्रयोजनको लागि ०.३६८ प्रतिशत नगद लाभांश वितरण गर्ने प्रस्ताव पारित गर्नेछ।