तोकिएको सिमा भन्दा धेरै सीडी पुर्याउने बैंकलाई राष्ट्र बैंकको कारबाही गर्ने

२३ चैत, काठमाडौं । केन्द्रीय बैंकले असारसम्म कर्जा–निक्षेप अनुपात (सीडी रेसियो) ९० प्रतिशतभित्र नल्याउने बैंकलाई कारवाही गर्ने जनाएको छ।

२७ वटै वाणिज्य बैंकका प्रमुख कार्यकारी माझ राष्ट्र बैंकको बैंक सुपरिवेक्षण विभाग प्रमुख देवकुमार ढकालले सीडी रेसियो ९० प्रतिशतभित्र ल्याउन भनेका हुन्।

‘बैंकहरुको सिडि रेसियो असारसम्म ९० प्रतिशतमा झार्न पर्छ, ढकालले भने, ऋण घटाएर वा बन्द गरेर भए पनि सीडी रेसियो ९० प्रतिशतभित्र ल्याउन पर्नेछ।’

ऋण अस्वाभाविक रूपमा दिएर सीडी बढाउनेलाई कारवाही गर्ने ढकालनले बताए ।

चालू आवको दोस्रो त्रैमाससम्ममा १३ वाणिज्य बैंकको सीडि रेसियो ९० प्रतिशत बढी पुगको थियो । बैंकको सिडि रेसियो जति धेरै हुन्छ, बैंक त्यती नै कर्जा दिन नसक्ने अवस्थामा पुगेको हो । जति सीडि रेसियो कम हन्छ बैंक कर्जा दिन सक्ने अवस्थामा रहेको भन्न सकिन्छ ।