शेयर खरिदकर्ता शून्य हुँदा इमर्जीङ नेपालको शेयरमूल्य १० प्रतिशतले घट्यो

२३ चैत, काठमाडौं । साताको चौथो कारोबार दिन बुधबार इमर्जीङ नेपाल कम्पनीको शेयरमुल्य नकारात्मक सर्किट लागेको छ । अघिल्लो कारोबारको तुलनामा यस दिन कम्पनीको शेयरमूल्य १० प्रतिशतले घटेसँगै नकारात्मक सर्किट लागेको हो ।

पछिल्ला दिनहरुमा सर्किट लाग्दै आईरहेको कम्पनीको शेयरमा यस दिन बजार खुलेको केही समयमै १० प्रतिशतले प्रतिशतले गिरावट आएको छ ।

आज कम्पनीको शेयर कारोबार १३२२ रुपैयाँबाट सुरु भएकोमा १३२ रुपैंयाबाट झरेर प्रतिकित्ताको मुल्य ११ सय ९० रुपैयाँ झरेको छ ।

पछिल्ला दिनमा कम्पनीको शेयरमूल्य निरन्तर बढिरहेको अवस्थामा यस दिन भने उच्च गिरावट आएको छ । यस दिन कम्पनीको शेयरमा क्रेता भन्दा विक्रेता धेरै देखिएसँगै कम्पनीको शेयरमूल्य गिरावट आएको हो ।

यस अवधिमा कम्पनीको शेयरमा १३ हजार कित्ताको बिक्री आदेश देखिदा खरिदकर्ता शून्य छन् ।