कहिलेसम्म शेयर खरिद गर्नेले पाउनेछन् आइएमई जनरल इन्स्योरेन्सको लाभांश ?

२३ चैत, काठमाडौं । आइएमई जनरल इन्स्योरेन्सको चैत २४ गते बिहीबारसम्म शेयर खरिद गर्नेले लाभांश पाउने भएका छन् ।

कम्पनीले साधारण सभा र लाभांश वितरण प्रयोजनको लागि शेयरधनी दर्ता पुस्तिका चैत २५ गतेदेखि २०७९ वैशाख ९ गतेसम्म बुक क्लोज गरेकाले चैत २४ गते बिहीवारसम्म कायम शेयरधनीले साधारण सभा भाग लिन र लाभांश पाउने भएका हुन् ।

कम्पनीले आव २०७७/७८ को मुनाफाबाट शेयरधनीलाई ७ प्रतिशत बोनस शेयर र शून्य दशलमव ३७ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको छ।

उक्त प्रस्ताव पारित गर्नका लागि कम्पनीले २०७९ वैशाख ९ गते साधारण सभा बोलाएको छ । कम्पनीले सभा लैनचौर ब्याक्र्वेट लैनचौर, काठमाडौंमा बिहान १० बजे शुरु गर्ने गर्ने जानकारी दिएको छ ।