नेप्से परिसूचक २४ सय २८ विन्दुमा झर्यो, होटेलमा देखियो लगानीकर्ताको आकर्षण

२३ चैत, काठमाडौं । साताको चौथो कारोबार दिन बुधबार नेपाल स्टक एक्सचेन्ज (नेप्से) दोहोरो अंकले गिरावट आएको छ । बुधबार नेप्से २३ दशमलब ३२ अंकले घटेर २४२८ दशमलब ७५ बिन्दुमा आएर बजार बन्द भएको छ ।

बुधबार कारोबार रकम पनि गिरावट आएको छ। मंगलबार २ अर्ब ६७ करोड बराबरको कारोबार भएको थियो ।

आज भने २२६ वटा कम्पनीको शेयर कारोबार हुँदा १ अर्ब ९९ करोड बराबरको भएको छ। बजार घट्नेक्रम जारी रहँदा पनि नेष्डो समृद्ध लघुवित्तको भने सर्किट लेबलमा कारोबार भएको छ । कम्पनीको शेयरमूल्य १० प्रतिशतले बढेर प्रतिकित्ता शेयरमूल्य १५४५ रुपैयाँ पुगेको छ ।

यसैगरी सोल्टी होटल, तारागाँउ रेजेन्सी, युनाइटेड इदी मर्दी र सिंगटी हाइड्रोपावरको शेयरमूल्य उच्च दरले बढेको छ ।

बुधबार धेरै रकम गुमाउनेमध्ये इमर्जिङ नेपाल शेयर १० प्रतिशतले घटेर ११९० रुपैयाँ, राष्ट्र उत्थानको ५.४७ प्रतिशत घटेर १६ सय ६० रुपैयाँ, वृद्धभुमी नेपालको ४ प्रतिशत घट्दा ५ सय ६६ र नयाँ सारथीको ३ दशमलव ९२ प्रतिशतले घटेर अन्तिम कारोबार १०३२ रुपैयाँमा भएको छ।

बुधबार अन्य परिसूचक राताम्मे हुँदा होटेल समूह, अन्य र म्युचल फण्डको परिसूचक उकालो लागेको छ।