प्राइम कमर्सियल बैंकले संस्थापक शेयर बिक्रीमा ल्याउदै

२४ चैत, काठमाडौं । प्राइम कमर्सियल बैंकले संस्थापक शेयर विक्री गर्ने भएको छ । कमपनीले बिहीवार एक सूचना जारी गर्दै उक्त जानकारी दिएको हो ।

कम्पनीले गत माघ २४ गते कम्पनीका संस्थापक शेयरधनी नाममा रहेको उक्त शेयर विद्यमान संस्थापकले मात्र खरीद गर्न सक्ने गरी ३५ दिने सूचना जारी गरेकोमा उक्त शेयर खरीद गर्न कुनै निवेदन नआएकाले कम्पनीले सर्वसाधारणमा उक्त शेयर विक्री गर्ने भएको हो ।

उक्त शेयर खरीद गर्न इच्छुक सर्वसाधारणले यो सूचना प्रकाशित गरेको आजको मितिले १५ दिनभित्र बैंकको कम्पनी सचिवको कार्यालयमा सम्पर्क गर्न अनुरोध गरेको छ ।