राष्ट्र उत्थान र इमर्जीङ नेपालको शेयरमूल्य उच्च दरले घट्यो

२४ चैत, काठमाडौं । साताको अन्तिम कारोबार दिन बिहीबार राष्ट्र उत्थान लघुवित्त र इमर्जीङ नेपाल कम्पनीको शेयरमुल्य उच्चदरले गिरावट आएको छ । अघिल्लो कारोबारको तुलनामा यस दिन यी दुई कम्पनीको शेयरमूल्य साढे ५ प्रतिशतले गिरावट आएको हो ।

राष्ट्र उत्थानको शेयरमूल्य निरन्तर बढिरहेको शेयरमूल्य यस दिन घटेको छ भने इमर्जीङ नेपालको पछिल्ला दिनदेखि कम्पनीको शेयरमा गिरावट आइरहेको छ ।

राष्ट्र उत्थान लघुवित्तको शेयरमूल्य १०० रुपैयाँले घटेर प्रतिकित्ता शेयरमूल्य १५६५ रुपैयाँ र इमर्जीङ नेपाल कम्पनीको शेयरमूल्य ६३ रुपैंयाले घटेर प्रतिकित्ता शेयरमुल्य ११ सय २७ रुपैयाँ झरेको छ ।

यस दिन यी दुवै कम्पनीको शेयरमा क्रेता भन्दा विक्रेता धेरै देखिएसँगै कम्पनीको शेयरमूल्य गिरावट आएको हो ।