एकैदिन ५ अर्ब निक्षेप थपिँदा सीडी रेसियोमा सुधार

२४ चैत, काठमाडौं । एकै दिनमा वाणिज्य बैंकको निक्षेप ५ अर्बले बढेको छ । वाणिज्य बैंकहरूको निक्षेप संकलन बढ्दा कर्जा प्रवाह पनि बढेको छ । बैंकहरूको निक्षेप संकलन बढेपछि सिडी रेसियोमा सुधार आएको हो ।

नेपाल राष्ट्र बैंकका अनुसार चैत्र २२ गतेसम्म बैंक तथा वित्तीय संस्थाहरूमा कुल ४९ खर्ब १५ अर्ब रुपैयाँ निक्षेप रहेको छ । चैत्र २१ गते बैंकहरूको निक्षेप ४९ खर्ब १० अर्ब रूपैयाँ रहेको थियो ।

एकैदिनमा बैंक तथा वित्तिय संस्थाहरूको कुल निक्षेप ५ अर्बले बढेको हो । यस अवधिमा वाणिज्य बैंकहरूको निक्षेप भने ३ अर्बले बढेर ४३ खर्ब ४३ अर्बमा पुगेको छ ।

बैंक तथा वित्तीय संस्थाहरूको कर्जा लगानी भने २ अर्बले बढेर ४७ खर्ब  २ अर्ब रहेको छ । बैंक वित्त कम्पनीमा निक्षेप थपिएसँगै बैंकहरूको औसत कर्जा९निक्षेप अनुपात (सीडी रेसियो) ९०.६५ प्रतिशतबाट घटेर ९०.५६ प्रतिशत पुगेको राष्ट्र बैंकले जनाएको छ ।